1ª Xornada sobre Enfermidades Raras

O 29 de febreiro é o día das enfermidades raras e a Asociación NES (No Estamos Solos) organiza a I Xornada sobre enfermidades raras o 1 de marzo ás 17h no Multiusos da praza de abastos. 

Seguro que será unha xornada moi divertida!

Scape room para familias!

 

 

A que ten moi boa pinta esta actividade que propón o Concello? 

Anotádevos antes do 7 de marzo no teléfono: 609 41 43 03.

Anota o 27 de febreiro na axenda: nova sesión da Escola de Familias!

 

 

Pensas que tes algo ou moito que mellorar en como vos comunicades na familia?

Seguro que algo levarás desta sesión para poñer en práctica coas fillas ou cos fillos.

Agardámoste!

Charlando en familia o 22 de febreiro

 

Día da Internet segura

Este 6 de febreiro conmemórase a vixésimo primeira edición do Día da Internet Segura, que ten o obxectivo de promover o uso seguro e positivo da tecnoloxía, especialmente entre nenos, nenas e as súas contornas máis próximas.  Boas prácticas neste eido:

- Manter e fomentar unha comunicación fluída cos menores sobre o uso de Internet axuda a comunicarlles os riscos e as normas, e a coñecer as súas preocupacións e posibles incidencias. - Os programas de control parental proporcionan confianza a proxenitores e menores nos seus primeiros pasos pola rede. - As actualizacións de seguridade dos dispositivos e apps deben estar configuradas para que se apliquen automaticamente. - As redes sociais son unha fonte de risco para os menores, infórmate e cóntallo antes de que o descubran por si mesmos. - Deben empregar contrasinais robustos, sen repetilos nin compartilos. - As redes WiFi públicas, poden facilitar accesos non desexados aos datos ou ao dispositivo. Cando non teñan acceso a Internet, é mellor que esperen a chegar á casa. No portal web do Incibe hai unha sección orientada a menores (Internet Segura For Kids) que ofrece numerosas guías, materiais didácticos, ferramentas e outros materiais que poden resultar moi útiles. Información da AMTEGA da Xunta de Galicia.

30 de xaneiro: Día da Paz

Se lle dades ao "play" seguro que desfrutaredes da canción que versionou Víctor, o mestre de Música e danza, para conmemorar este ano o Día da Paz: Ficar durmido. 

21 de Xaneiro: Día europeo da MEDIACIÓN

Hoxe, con motivo do Día Europeo da Mediación, comparto con vós un artigo  da Comisión Intersectorial de Mediación do Colexio Oficial da Psicoloxía de Galicia publicado na Voz de Galicia.

Pinchade na imaxe para acceder ao artigo:

 Imaxe do Colexio Oficial de Psicoloxía de Galicia.

Con motivo desta conmemoración esta semana o Equipo de Mediación do noso colexio recibirá un pequeno agasallo  en recoñecemento da súa contribución á mellora da convivencia entre iguais.