Familias dixitais

Se es nai, pai ou responsable de menores, seguro que che interesa esta formación desenvolta en rede no mes de marzo para potenciar o bo uso das redes sociais en familia. 

Pincha para acceder á información:

Martes 30 de xaneiro: Escola de familias

O martes 30 de xaneiro teremos unha nova xuntanza "Familias e Escola" para falar, nesta ocasión, sobre os perigos de internet e temáticas relacionadas. 

Pinchade na imaxe para inscribirvos 🙂

Da etapa de Educación Primaria á etapa de Educación Secundaria Obrigatoria

Co fin de facilitar o tránsito entre as etapas de Educación Primaria e Educación Secundaria Obrigatoria, cada curso planificamos entre o colexio e o IES Mestre Landín, ao que se atopa adscrito o noso centro, diferentes actividades para o alumnado de 6º EP e para as súas nais, os seus pais ou titoras/es legais. 

 As actividades que se levarán a cabo neste curso escolar son as seguintes:

- Martes 9 de xaneiro: recollida de dúbidas e medos do alumnado en relación coa nova etapa e o instituto pola orientadora do colexio. ❓

- Xoves 11 de xaneiro: explicación da nova etapa e resolución das dúbidas do alumnado pola orientadora do IES Mestre Landín no colexio. 💬

- Xoves 25 de xaneiro: visita ao IES Mestre Landín. O alumnado de 6ºEP, acompañado polo profesorado titor e a orientadora do colexio, visitará o Instituto para coñecer os diferentes espazos e compartir tempos de clase e de recreo co alumnado da ESO. 🏢

- Visita das nais, dos pais ou titoras/es legais ao IES Mestre Landín: xoves 18 de xaneiro ás 19,30h.

O prazo para a realización da reserva de praza no IES Mestre Landín abrangue do 15 de xaneiro ao 5 de febreiro (ambos incluídos). Dende o colexio facilitarase a información ás familias do alumnado para realizar esta reserva. +Información ℹ️ 

Para calquera dúbida en relación co cambio de etapa, poden contactar coa orientadora no teléfono 886151355. 

 

Xornada de portas abertas

En marzo terá lugar o período de admisión de novo alumnado. De aí que queiramos dar a coñecer o colexio ás familias interesadas en que as súas fillas e os seus fillos inicien a súa escolarización con nós no curso 2024/25. 

A que agardades para vir coñecernos?

Entrevista a Alberto Soler

Pinchando na imaxe do psicólogo Alberto Soler, poderedes acceder á entrevista que lle fixo a periodista  Ana Abelenda do periódico La Voz de Galicia sobre a crianza, na que afirma, entre outros temas, que "é bo que os fillos vexan aos seus pais discutir, pelexar é outra cousa". Seguro que a súa lectura resultará moi útil para identificarse e aprender sobre a crianza.

Prevención do acoso escolar

Hoxe comenzamos a semana coa charla impartida pola Policía Nacional para a prevención do acoso escolar destinada ao alumnado maior do colexio.

Esta charla forma parte do Plan director para a convivencia e a mellora da seguridade nos centros educativos e nas súas contornas.

A través deste Plan, ao longo deste curso, desenvolveranse distintos relatorios impartidos pola Policía Nacional tanto para o alumnado do 3° ciclo de Primaria como para as familias e  profesorado en relación co acoso escolar e a prevención dos riscos das TIC. 

3 de decembro: día das persoas con (dis)capacidades

"Pensa antes de falar" é o lema que a Fundación Juan XXIII elixiu este ano para a conmemoración do Día das persoas con (dis)capacidades diversas e deixan a súa mensaxe moi clara neste vídeo:

 Un genially para coñecer a persoas incribles:

Películas sobre persoas (e animais) con diversidade funcional:

Actividades para a aula sobre a diversidade funcional: